Level Marketing / Maqolalar / Sotuv va analitika
Sotuv voronkasi nima: oddiy so‘zlar bilan
«Reklama ishlamayapti» degan shikoyatning sababi ko‘pincha reklamada emas, balki sotuv yo‘lining boshqa bosqichida bo‘ladi. Sotuv voronkasi — mijozning sizni birinchi ko‘rishidan xaridigacha bo‘lgan yo‘li. Uni bosqichlarga bo‘lib o‘lchasangiz, pul qayerda «oqib ketayotgani» aniq ko‘rinadi.
Voronka bosqichlari
| Bosqich | Nima sodir bo‘ladi | Ko‘rsatkich |
|---|---|---|
| Qamrov | Reklama yoki postni ko‘rishdi | Ko‘rishlar, qamrov |
| Qiziqish | Bosishdi, profilga kirishdi | CTR, o‘tishlar |
| Ariza | Yozishdi yoki forma to‘ldirishdi | Ariza soni, CPL |
| Sifatli ariza | Haqiqatan sotib olishga tayyor | Sifatli arizalar ulushi |
| Sotuv | Pul to‘lashdi | Konversiya, o‘rtacha chek |
| Takroriy xarid | Yana qaytishdi | LTV, takroriy xaridlar ulushi |
Misol (shartli raqamlar)
Mebel do‘koni oyiga 50 000 kishiga reklama ko‘rsatdi:
- 1% bosdi → 500 o‘tish;
- ulardan 10% yozdi → 50 ariza;
- arizalarning 20% xarid qildi → 10 ta sotuv.
Endi har bir bosqichni yaxshilash natijani o‘zgartiradi: agar arizadan sotuvga konversiya 20% dan 30% ga oshsa, xuddi shu reklama byudjeti bilan 15 ta sotuv bo‘ladi.
«Teshiklarni» qanday topish
| Qayerda yo‘qotyapsiz | Odatiy sabab | Nima qilish |
|---|---|---|
| Qamrovdan qiziqishga | Kuchsiz kreativ yoki noto‘g‘ri auditoriya | Yangi hooklar, A/B test |
| Qiziqishdan arizaga | Profil ishonch uyg‘otmaydi, taklif aniq emas | Sotadigan profil, aniq taklif |
| Arizadan sotuvga | Kech javob, skript yo‘q | Javob tezligi, sotuv skripti |
| Sotuvdan takroriy xaridga | Mijoz bilan aloqa yo‘q | Takroriy sotuv va LTV |
Voronkani qanday kuzatish
Kichik biznes uchun oddiy jadval yetarli: har hafta qamrov, o‘tishlar, arizalar, sotuvlar. Arizalar soni ko‘payganda — CRM ga o‘ting. Ariza narxini qanday hisoblash — CPL qo‘llanmasida.
Xulosa
Voronka — reklama va sotuvni bitta zanjir sifatida ko‘rish usuli. Har bir bosqichni o‘lchang, eng katta yo‘qotish qayerdaligini toping va avval o‘sha joyni tuzating — ko‘pincha bu reklama byudjetini oshirishdan arzonroq.
